Плетенка со сирење

Состојки:

Тесто

- 150 гр кисело млеко

- 100 мл млака вода

- 100 гр масло

- 1 јајце

- по една лажичка сол и шеќер

- 1 пакетче сув квасец

- околу 500 гр брашно

Фил

- околу 300 гр сирење

- 2 јајца

Премачкување

- малку растопен путер

Подготовка:

Сите состојки за тесто освен брашното се промешуваат, потоа полека се додава брашното и се меси меко тесто и се чека да нарасне. Сирењето и јајцата се гмечат со вилушка. Нараснатото тесто се дели на 3 дела. Потоа секој дел се дели на уште три дела и се сукаат во подолга форма, се мачкаат со третина од филот и се виткаат од подолгата страна. Од нив се витка плетенката и се става во тавчето за печење. Истата постапка се повторува т.ш. се добиваат 3 плетенки. Се премачкуваат со путер и се печат на 200С околу 20-25 минути во претходно загреана рерна.

Откако ќе бидат готови добро се премачкуваат и се покриваат со крпа.